මගේ HDR වෑයම

ඔන්න ඉතින් මමත් දඟලලා දඟලලා කොහොම හරි HDR ෆොටෝස් ටිකක් හදා ගත්තා. ඒවා එච්චරම හොඳ නැතුව ඇති, නමුත් මේ මගේ පළමුවන HDR උත්සහයයි. ඔබගේ වටිනා අදහස්, යෝජනා හා චෝදනා comments කොටුවේ දාන්න...

HDR ගැන දැනගන්න මෙතන ඔබන්න

ලැසී

හීනෙන් වගේ ඔරලෝසුවෙ හය වැදුනා ඇහෙනකොට ම මූණ පුරාම සීතලක් එක්ක තෙත ගතියක් දැනුණා..අත පය ගසලා පොඩ්ඩක් එහාට කළා ම තමයි ලෙව කන එක නතර කළේ.අපොයි ඉතින් ඊළඟට එයාගෙ හුරතල් වෙන වෙලාව..

මගෙ පපුව උඩට වෙලා, දික් කර ගන්න මූණ මගෙ බෙල්ල අස්සෙ ඔබාගෙන මම එයාගෙ සුදු පාට කලු පාට සිනිඳු මවිල් අත ගානකල් පුදුම ආසාවකින් බලාගෙන ඉන්නවා...

ඒ විනාඩි පහ ඉවර උනා ම ආපහු මතක් කරන්න ඕනෙ නෑ, කිසි ම කරදරයක් නැතුව එයා බැහැලා යනවා, මට පරක්කු වෙන බව දන්නවා වගේ..

ලැසී..මගෙ ආදරේ..අපි දෙන්නා කතා කරන්න වචන දන්නෙ නැති වුණාට අපි දෙන්නට දෙන්නා අපි දෙන්නව හොඳට දැනගෙන හිටියා..අපිට අපිව හොඳට ම තේරුනා..මට දුක හිතුණු වෙලාවල්, සතුටින් හිටපු වෙලාවල්...ඒ වෙලාවට කොහොමද මාත් එක්ක ඉන්න ඕනෙ...

ඒ විතරක් නෙමෙයි, මට චුට්ටක් හරි තරහ ගියාම මාව මග ඇරල ඉන්නත් මගෙ චූටි කෙල්ල දැන ගෙන හිටියා..(ඒක නම් කපටිකමට ද කොහෙද..?)

ලැසී අපේ ගෙදරට ආවෙ මගේ පුංචි අම්මාගේ හත් දවසේ දානේ දවසේ එදා අපේ ගෙදරට අළුත් අමුත්තෙක් විදිහට ආවට පස්සේ ලැසී නැතුව අපේ ගෙදර අමුතු වෙන තරමට ම එයා අපේ මුලු ගෙදර ම වෙනස් කළා...ඉතින් මෙයා තමයි අපේ ගෙදර කාගෙත් හුරතලේ...පොඩි කාලෙ ඇවිදගන්න බැරි තරමටම බෝලයි.චුට්ටක් ඇවිද්දහම ඉතුරු ටික රෝල් වෙන තරමටම බෝලයි.කෙටියෙන්ම කියනවනම් එයා බෝල බබෙක්.

බබ්බු හැමදාම ඒ ස්යිස් එකෙන්ම ඉන්නෙ නැනෙ (එහෙම ඉන්නවනම් කොච්චර හොඳ ද???) ඉතින් මෙයාගෙත් අත පය දික් උනා...එහෙම උනාට මොකද තාම හුරතලේ. "එයා දැන් ලොකු ළමයෙක්!!!"

ලැසීගෙන් ඉගෙන ගන්න හුඟාක් දේවල් අපිට තිබුණා..පිළිවෙළකට කෑම කන්න ලැසී හරි ආසයි...එයාගෙ කෑම තනියම එයාම පිඟානට දාගෙන කන්න එයා පුරුදු වෙලා තිබුණා..සමහර වෙලාවට ඒවත් එක්ක කේන්තිත් යනවා..ඇයි ඉතින් ඒ දිහා බල බල අපේ අම්මා බනින්නෙ අපිටනේ..වෙලාවකට අම්මා කියනවා උඹලට වැඩිය මේ තිරිසනා හොඳට හැදිලා තියෙනවා කියලා...එල්ලෙන්න හිතෙන්නෙ ඒ වෙලාවට තමයි..

මෙයා හරි ආස දේවල් list එකක් තිබුනා. මම ටිකක් කියන්නම්.

• වරකා කන්න.
• ඇලේ බැහැලා දියබරි එක්ක සෙල්ලම් කරන්න.
• අපේ අම්මගේ කුමුදු පොකුනෙන් වතුර බොන්න.
• බල්ලෙක් වුණාට කලින් වැඩි වාර ගාණක් පූසෙක් වෙලා හිටපු ගතිත් මෙයාට තිබුණා..මීයො අල්ලන්න ආස වෙන්න ඇත්තෙ ඒ හින්දා..

වෙනදා විදිහට ම අද උදෙත් හය වැදුනා මතකයි..අර මූණ පුරා දුවන තෙත ගතිය තාම නෑ..මම ඇස් දෙක ඇරලා බැලුවා..අද නොවැම්බර් 24..හ්ම්ම්...

ලැසී අපි හැමෝ ම දාලා ගිහින් අදට අවුරුදු දෙකයි...

ඒත්.., මට තාමත් ඒක එහෙම වුණා කියලා හිතා ගන්න බෑ..කැම්පස් එකේ ඉඳලා හදිස්සියෙ ඇවිත් ලැසී වළ දැම්මා කියලා හිතන්නවත් මට හිතෙන්නේ නෑ..

තාම ඒ බෝල බබා දඟ කරන හැටි..මට තාම පේනවා..කොයි තරම් කමැති වුණත් ලැසී ආපහු මගෙ ළඟට එන්නෙ නෑ..

එහෙම හිත හිතා මම ඇඳෙන් බිමට බැස්සා..

HDR සේයා රූ

Face Book එකේ මොනවද නැත්තේ....හැම විශයකටම අදාල මොකක් හරි දෙයක් මේකේ තියෙනවා. ෆොටො ටෝක්ස් (සේයා-රූ කථ බහ) කියලා කියන්නෙත් මේ තියෙන නානාප්‍රකාර පිටු අතරින් photography කරන්න අමාරුවක් තියෙන අයට වෙන් වෙච්චි එක පිටුවක්. ඇත්තටම කියනවනම් photography කරන්න නලියන අමාරුවක් තියෙන පිරිසක් තමයි මේකෙ ඉන්නෙ; ගුරුවරු, අපි වගෙ ගෝලයො තම තමන් ගත්ත ෆොටොස් upload කරලා එවට comments ගන්න ගමන් ඉගෙන ගන්නවා...

ඔන්න ඉතින් මම දවසක් මෙකේ කරක් ගගහා ඉද්දී මම දැක්කා HDR කියලා ෆොටො එකක්. ඒ ෆොටෝ එක පට්ටම ආතල් ෆොටො එකක්. ඒක හරියට නිකන් ච්ත්‍රයක් වගේ.

මෙන්න මේ වගේ ෆොටෝස් තමයි HDR කියන්නේ...

උපුටා ගැනීම අන්තර්ජන්ජාලයෙන්

උපුටා ගැනීම අන්තර්ජන්ජාලයෙන්

උපුටා ගැනීම අන්තර්ජන්ජාලයෙන්

උපුටා ගැනීම අන්තර්ජන්ජාලයෙන්

මමත් ඉතින් ටිකක් හොයලා බැලුවා මොනවද මේ HDR කියන්නෙ කියලා. HDR කියන්නෙ High Dynamic Range කියන එක. මට ඒක ඒත් තේරුනෙ නෑ, ග්‍රීක් වගේ.

ඉතින් මේ වගේ ප්‍රශ්නයකට උත්තර දන්න සිංහලෙන් දැනගන්න පුලුවන් එකම තැන ෆොටො ටෝක්ස් නිසා... මම එකේ wall එකේ මට තියෙන ප්‍රශ්නෙ ලියලා දැම්මා.

එතනදී ඇතිවෙච්චි සුහද කථා බහ තමයි මේ...


Tharindu Mahawatta: (මේ මම) මෙම ස්ංවාදයට එකතු වෙන්න මෙතන ඔබන්න
කවුරුහරි මට HDR ගැන කියල දෙනවද???
Like ·  · Unfollow Post · November 1 at 11:21pm
Sashika Saranga Athukorala and 6 others like this.

Pasan Godakanda: HDR කියන්නෙ exposure කිහිපයක් යටතේ ගන්න එකම ස්ථානයේ චායාරූප කීපයක් එක්කර හදාගන්න කලාත්මක නිර්මාණයක්. High Dynamic Range නොහොත් ඉහල ප්‍රවේගික පරාසයක් ඇතුලත් වන මෙම චායාරූප තුල සියුම් තොරතුරු විශාල ප්‍රමාණයක් අන්තර්ගතව තියෙනවා.
November 1 at 11:28pm · Unlike · 1

Tharindu Mahawatta: ඒ කියන්නෙ එහෙම ගන්න photos, photoshop වලින් superimpose කරන්න ඕනද???
November 1 at 11:32pm · Like

Dasun Wanaguru: නැහැ....ඒ නිකන් මැගී නුල්ඩ්ස් වගේ විනාඩි දෙකෙන් හදන ඒවනේ...පිකාසා වගේ එවායෙන්...ඒවා නෙම්යි හරි HDR කියන්නේ...එකම ස්තානයක රූප තුනක් එකක් UNDER exposure ලෙසත් අනිකOVER exposure.ලෙසත් අරගෙන ඒ තුන එකට එකතු කරගැනීමයි...ඒක ටිකක් සංකීර්න ක්‍රියාවක්...
November 1 at 11:36pm · Unlike · 3

Tharindu Mahawatta: ඇත්තටම සංකීර්නයි වගෙ... මම කීපයක් උත්සහ කරල බලන්නම්. අඩු පාඩු තියෙන ඒවා කියල දෙනවනම් බොහොම පිං
November 1 at 11:40pm · Like

Pasan Godakanda: නෑ මම ෆොටෝෂොප් ගැනනම් එච්චර දන්නෙ නෑ ඒත් CS5 CS6 වල HDR processing කෙලින්ම තියනව. ලේසිම වැඩේ තමය් 3rd party HDR creating software එකක් ගන්න එක. නොමිලේ තියනව http://qtpfsgui.sourceforge.net/

මෙන්න ෆොටෝෂොප් වලින් කරන විදිය http://www.emmettlollis.com/tutorials/photoshop/2010/photoshop-cs5-hdr-tutorial/
November 1 at 11:43pm · Unlike · 5

Dasun Wanaguru: හරි HDR කියන්නේ...එකම ස්තානයක රූප තුනක් එකක් UNDER exposure ලෙසත් අනිකOVER exposure.ලෙසත් අරගෙන ඒ තුන එකට එකතු කරගැනීමයි..
November 1 at 11:45pm · Unlike · 5

Tharindu Mahawatta: =) ඔබතුමාලට බොහොම පිං
November 1 at 11:46pm · Like · 1

Pasan Godakanda: Dasun Wanaguru තුනක් නෙමෙය් කිහිපයක්. වැඩිවෙන තරමට details වැඩිය්
November 1 at 11:48pm · Edited · Unlike · 5

Dasun Wanaguru: ඔව් එහෙම පුලුවන් මං කිව්වේ සරලම විදිහ...එක්ස්පෝස් ගොඩක් ගන්න පුලුවන්නම් ඩීටේලස් ගොඩක් වැඩියි තමයි.. (Y) හැබැයි එතකොට නේචර් පොටෝග්‍රැපි එකක්නම් අතාත්වික වෙනවා....
November 1 at 11:50pm · Edited · Unlike · 6

Dilhan Randeera Fernando: harima wedagath sanwadayak pasan saho dasun saho oyalata thanks mamath mewalin danne neti yam yam de denaganna lebuna.. :) (y)
November 2 at 12:10am · Like

Indranatha Thenuwara: HDR - High Dynamic Range කියන්නෙ අධික ගතික පරාස ඡායාරූපවලටයි.
එවැනි ඡායාරූපයක,අතිශයින් ඉහළ ආලෝක ත්ත්වයක් යටතේ අනාවරණය වන ස්ථානවල විස්තරත්, අවම ආලෝක ත්ත්වයක් යටතේ ඇති ස්ථානයක විස්තරත් එක සේ අඩංගු වෙනව. ඒක හරියට අපේ ඇසට රූප පෙනෙනව වගෙයි.

කොටින් ම මෙවැනි පින්තූරයක අධික අනාවරිත හෝ මන්ද අඅනාවරිත කිසිම ස්ථානයක් තිබෙන්නට බැහැ. ඒ හැම ස්ථානයක් ම විස්තරාත්මක වෙනව.
මෙවැනි පින්තූරයක් නිර්මාණය කරන්නටනම් අවම වශයෙන් පින්තූර 3ක් තිබෙන්නට ඕනෙ. ඒව Raw නම් අවසාන ප්‍රතිපලය ඉතා ඉහළයි.
මේ High Dynamic Range පින්තූර සඳහා ගන්නා ඡායාරූපවල හොඳට ම මන්ද අනාවරිත Under Exposed පින්තූරයේ ඉහළ ම ආලෝක ත්ත්වයේ විස්තර හොඳින් දැක ගන්න පුලුවනි, පොඩ්ඩක්වත් බර්න් නොවී.
ඒ වගේ ම හොඳට ම අධික අනාවරිත Over Exposed පින්තූරයක, අඳුරුම ස්ථානවල තිබෙන උපරිම විස්තර සටහන් වෙලා තියෙනව.
අවසාන නිර්මාණය කර ගැනීමට මේ පින්තූර සියල්ල එකට අනා ගන්න ඕනෙ..!!

November 2 at 12:50am · Unlike · 19

Audarya Herath: BRACKET kiyanneth HDR mada???????????
November 2 at 1:21am · Unlike · 1

Aravinda Chandrapadma: නෑ නෑ BRACKET‍ING කියන්නේ එක දිගට විවිධ exposures කීපයක ෆොටෝස් ගන්න පුලුවන් DSLR කැමරාවල තියන පහසුකමක්
http://www.all-things-photography.com/bracketing.html
November 2 at 6:49am · Unlike · 1

Tharindu Mahawatta: මට අත්තටම සතුටුයි මේ සංවාදයට. මට HDR ගැන කියල දීපු හැමෝටම බොහෝම ස්තූතී...
November 2 at 9:05am · Like

Udara Godage: Hi Tharidu, just try "Photomatrix", it's an app for HDR, you will love it, if you want I can send it through dropbox, or if you know an easier way, pls let me know.
November 2 at 6:54pm · Unlike · 1

Tharindu Mahawatta: great :) !!!!!thank you, i will give you my email.....
November 3 at 8:49am · Like

ඔන්න ඔහොම තමයි මම HDR ගැන ඉගෙන ගත්තේ...

මෙම ස්ංවාදයට එකතු වෙන්න මෙතන ඔබන්න

(අහලම බලන්න) Stuff that you have to listen

"Karmacoma"

Single by Massive Attack

from the album Protection

Released:   March 1995

Format:      CD 12"

Recorded:  1994

Genre:        Trip hop

Length:       5:21

Label:         Virgin Records

Producer:    Massive Attack and Nellee Hooper

Lyrics

Other Songs in this Album

1 Massive Attack featuring Tracey Thorn - Protection

2 Massive Attack - Karmacoma

3 Massive Attack - Three

4 Massive Attack - Weather Storm

5 Massive Attack - Spying Glass

6 Massive Attack - Better Things

7 Massive Attack - Euro Child

8 Massive Attack - Sly

9 Massive Attack - Heat Miser

10 Massive Attack - Light My Fire (Live)

Some of their most noted songs have been without choruses and have featured dramatically atmospheric dynamics, conveyed through either distorted guitar crescendos, lavish orchestral arrangements or prominent, looped/shifting baselines  underpinned by high and exacting production values, involving sometimes copious digital editing and mixing. The pace of their music has often been slower than prevalent British dance music at the time. These and other psychedelic, soundtrack-like and DJist sonic techniques, formed a much-emulated style journalists began to dub "trip hop" from the mid-nineties onward, though in an interview in 2006, G said, "We used to hate that terminology [trip-hop] so bad,' laughs. 'You know, as far we were concerned, Massive Attack music was unique, so to put it in a box was to pigeonhole it and to say, "Right, we know where you guys are coming from." 

වැඩි විස්තර සඳහා (http://en.wikipedia.org/wiki/Massive_Attack)

"33 degree"

By Thievery Corporation

from the album Radio Retaliation

Album:       Radio Retaliation

Released:  September 23, 2008

Genre:        Electronic, Trip hop

Length:      3:47

Label:        ESL Music, Inc.

Lyrics

Other Songs in this Album (Click here and listen all)

1 Sound The Alarm

2 Mandala

3 Radio Retaliation

4 Vampires

5 Hare Krishna

6 El pueblo unido

7 The Forgotten People

8 33 DeGrees

9 Beautiful Drug

10 La Femme Parallel

11 Retaliation Suite

12 Numbers Game

13 Shining Path

14 Blasting Through The City

15 Sweet Tides

Thievery Corporation is a Washington, D.C. based recording artist and DJ duo consisting of Rob Garza, Eric Hilton, and their supporting artists, Frank 'Booty Lock' Mitchell, Jeff Franca and Ashish Vyas. Their music style mixes elements of dub, acid jazz, reggae, Indian classical, Middle Eastern, and Brazilian (such as bossa nova).

වැඩි විස්තර සඳහා (http://en.wikipedia.org/wiki/Thievery_Corporation#Discography)

සත්තු වත්ත (The Zoo)

කැම්පස් එකේ හැම දවසක්ම ආතල් නෑනේ...දවසක් ෆුල් හන්ටර් වෙලා තියෙන වෙලාවක යාලුවෙක්ගෙ කැමරාවක් හම්බ උනා, කරන්න දෙයක් තිබුනෙත් නැති නිසාත්, photography කරන්න නලියන ආසාවක් තියෙන නිසාත් කැමරාවත් උස්සගෙන බයෙන් බයෙන් ගියා...

.

.

.

.

සත්තුවත්තට...

(මාවත් එහෙ තියා ගත්තනම් එපා කියලා කියන්නද)

රුපියල් 50ට සත්තු ගොඩාක් බලන්න කියලා හිතාගෙන ගියාට මොකද..? හැමදාම වගේ මගේ ලක් එකේ "හි"ලක්..

"අලුත්වැඩියා කටයුතු සඳහා මෙහි සතුන් තාවකාලිකව ඉවත් කර ඇත"

දිලිසි දිලිසි ඔය තියෙන්නේ විසාල බෝඩ් ලෑල්ලක්......

ලද දෙයින් සතුටු වීම, එහෙමත් නැත්නම් "අල්පේච්ඡතාව" පුරුදු වෙන්න මේක හොඳම හොඳ චාන්ස් එකක්..දෙයියො දුන්නොත් අපිට ඔහොම ස්වීප් එකක් තමයි ඉතින්...එහෙම හිතාගෙන ඉන්න සත්තු ටිකවත් බලලා සැනසෙන්නම් කියලා කැමරාවත් අරගෙන සූදානම් සරීරෙන් මම "ක්ලික්" කරන්න බලාගෙන හිටියා...

වෙනදා වගේ හුඟාක් වඳුරු කූඩු නැති හින්දා ද කොහෙද ඉතිරි වෙලා තිබුණු කූඩුවෙ පුංචි වඳුරෙක් හිටියේ ජනවාරි පළවෙනිදා ම කැඳ බිව්වා වගේ, පුදු ම කම්මැලි කමකින්. එළියේ හිටපු අපි දිහා බලලා සංසාරෙම ගිල ගන්න වගේ ඈනුමක් ඇරලා ඌ අපි දිහා දුකෙන් බැලුවා.."පව් මේ මිනිස්සු, කිසි ම නිදහසක් නැතුව කූඩු වෙලානෙ ඉන්නේ.." මොකක්....???

එතකොට කූඩුවෙ ඉන්නෙ අපි ද? වඳුරා ද..? මට නිකමට හිතුණා..

ඒත්.., 

වෙනදා විදිහට ම දුව පනින කොට, වලිගෙන් එල්ලිලා අත්තෙන් අත්තට පනින්න හදන කොට, පරණ පුරුදු විදිහට ම අතපය දිග ඇරලා ඉන්න ඉඩ නැති බව , කූඩුවෙ බිත්ති හතරෙන් ඌට දැනෙනවා ඇති...

හ්ම්ම්ම්....ඉහළට ගත්ත හුස්මත් එක්ක ම ඒ දේවල් බිමට අත ඇරලා මම එතනින් යන්න ගියා..

"රාජා", "බන්දුල" කුල්ලක් වගේ ලොකු ම ලොකු කන් දෙකකින් මැස්සෝ එලවනවා..තාලෙට වැනි වැනී..කළු ම කළු පාට ලොකු වළාකුළක් වගේ..ඒත් මම අහලා තිබුණ, මගෙ හිතේ තිබුණ සද්දන්ත් කුලේ තේජසක් මට දකින්න තිබුණෙ නෑ.අනේ මන්දා.. කන්න දීලා තිබුණ කිතුල් අතු, කෙහෙල් බඩ...,"දෙන දෙයක් කාලා වෙන දෙයක් බලා ගෙන ඉන්න" theory එකට ම apply කරලා තිබුණා.. කැලෑවේ අලියෙක්, "වල් අලියෙක්" කිව්ව ම හිතට දැනුණු බය පොඩ්ඩක්වත් දැනුණෙ නෑ..කොයි තරම් විශාල වුණත්, කොයි තරම් බල පුලුවන්කාරකම් තිබුණත්, ඒ හැමදේ ම යට කරගෙන යන විදිහට අලි කකුල් පුංචි දම් වැලකින් නිකම් ම නිකම් සිමෙන්ති කණුවකට බැඳලා තිබුණා..හිතට දැනුණෙ දුකක් ද කලකිරීමක් ද කියලා වෙන් කර ගන්න මට බැරි වුණා..

ගැට කිඹුලෙක් නිදි හොඳටෝ ම..ඒත් එක්ක ම තාරකා ඉබ්බෝ, ගල් ඉබ්බෝඅ ඒ ළඟ ම හිටියෙ පුදු ම යාලු කමකින්.ගැට කිඹුලා හිටපු තැන ම රැළි වැටුණ හැටි ටිකක් අමුතුයි..කවුරු ම හරි හොරෙන් මං දිහා බලන් ඉන්නවා...

අනේ...පුංචි කිඹුල් පැටියෙක්..සබ්මැරීන් එකකින් ඔත්තු බලන system එක copy කරලා තියෙන්නේ මම හිතන්නේ කොහේ හරි හිටපු කිඹුලෙකුගෙන්...

හොර ගෙඩියෙක් වගේ වතුර යටින් පීනලා ඇවිත් බලපු හැටි. පුදු ම සතුටකින්..වතුර යටින් අහස දිහා බලන කොට හරි ම ලස්සනට ඇති..ලොකු කිඹුල් තඩියා පුංචි පැටියා දිහා ඔහේ බලාගෙන හිටියා..හරියට සීයා මං පුංචි කාලෙ අපි දිහා බලාගෙන හිටියා වගේ...හැබැයි ඒ ඇස් වල කියා ගන්න බැරි මොකක්දෝ ලොකු දුකක් තැවරිලා තිබුණා..ඔව් ඔව්..දුකෙන් තමයි..ඒක නම් හොඳට ම විශ්වාසයි..."පුංචි කොල්ලෝ, මාත් ඔය කාලෙ ඔය පොකුණේ පීනුවා.හතර වටේට ම වතුර විසි වෙන තරම් දාංගලෙන් පීනුවා.වතුර යටින් අහස දිහා බලන් හිටියා.ටික ටික මං ලොකු වුණා.එතකොට තමයි මට දැනුණෙ මේ පොකුණ පුංචි වෙනවා කියලා.එදා ඉඳන් ඒ තිබුණ සතුට මට නැති වුණා.අද මෙහෙම ඉබ්බොත් එක්ක ඉන්න වෙලා..." 

හෝව්..!! හෝව්...!!! දොස්තර හොඳ හිතට වගේ සත්තු කියන දේවල් මටත් ඇහෙනව ද..?

ඇත්තටම ඒ ගැට කිඹුලා කතා කළා ද..? මට ලොකු ප්‍රශ්නයක්...

"ඉගිලෙන්න තහනම් නම් දුරක්- ඇයි දුන්නෙ මට අත්තටු දෙකක්.."

කුරුලු උයනෙ හිටපු හැම කුරුල්ලෙක් ම කිචි බිචි ගාලා කිව්වේ ඒ සිංදුව..සංක්‍රමණික කුරුල්ලෝ තමන් කැමති කාලෙක කැමති තැනකට පියාඹලා යන්න තිබුණු නිදහස   නැතුව කෑ ගැහුවා.. කුරුල්ලෝ තාලෙට සිංදු කියනවා නෙමෙයි.ලිප්ටන් වට රවුමෙ උද්ඝෝෂණයක් වගේ තරහෙන් කෑ ගහපු එක විතර ම යි උන්ට කරන්න ඉතිරි වෙලා තිබුණෙ.

"සමනළ උයන"  

ලොකු වීදුරු බිත්තියක් දාලා රතු පාට පින්න මල් පිපුණු තැනක්.සමනළුන්ට ඒක කාමරයක් කියලා හිතෙන්න ඇති. මේ ලෝකෙට පාට දුන්නෙ සමනල්ලුන්ගෙ තටු වලින්.. ලෝකෙ ම ලස්සන කරන්න පාට බෙදපු සමනල්ලු කැමති මලකින් පැණි බොන්න යන්න විදිහක් නැතුව හිර වෙලා බලන් හිටියා.එතන තිබුණේ පින්න මල් විතර මයි..

අපේ නංගි පැණි රස කන්න ආසයි..ඒත් මම ආස නෑ. ඉතින් සමනල්ලුත් එහෙම වෙන්න ඇතිනේ.. හැම සමනළයා ම පින්න මල් වලට ආස ද..?

මේ "සත්තු වත්ත"...ඒ කිව්වේ සත්තුන්ගේ වත්ත ද..? එහෙම නැත්නම් අපිට බලා ගන්න, අපිට සත්තු ගැන දැන ගන්න උන්ට ඉන්න වෙලා තිබුණු වත්ත ද..?

දුක හිතෙන තැන් වල වැඩි වෙලා ඉන්න හොඳ නෑ. හිතපු තරම් නැති වුණත්, ෆොටෝ ටිකක් අරගෙන මම ඉක්මණට එන්න ආවා...

What i thing about Champagne Supernova-Oasis

How many special people change?
How many lives are living strange?
Where were you while we were getting high?
Slowly walking down the hall
Faster than a cannonball
Where were you while we were getting high?
Someday you will find me
Caught beneath the landslide
In a champagne supernova in the sky
Someday you will find me
Caught beneath the landslide
In a champagne supernova
A champagne supernova in the sky...


How many special people change
(all the people in your life that have changed that use to be significant but not anymore)
How many lives are living strange
(you really don't know what people are going through)
Where were you when we were getting high?
(where were you when I needed you and/or all the fun times)
Slowly walking down the hall
Faster than a cannon ball
(I think of this as on of those segments you see on TV; someone is walking somewhere, for example, down a hall, in slow motion, but the people around them are walking fast around them. life's fast but then again slow at the same time.)
Where were you while we were getting high?
(I needed you, for the good and the bad times)

Some day you will find me
Caught beneath the landslide
(you'll discover one day I'm living a rough live...)
In a champagne supernova in the sky
(in a beautiful place)
Someday you will find me
Caught beneath the landslide
In a champagne supernova
A champagne supernova in the sky...
( life is great, and even though it's rough sometimes, overall it's beautiful, with or without you.)


this is how i felt.....

නූතනයේ මා ඇසූ මට හොඳයි කියා හැඟුනු ගීත

   කසුන් කල්හාර - හරිත වන රේඛා

   නදීක ජයවර්දන - පෙරවදනක් නැති

අපෙ ගුරුතුමා යයි තාමත් ඉස්කෝලේ...

ගුරුවරු අපිට කොච්චර ආදරෙයිද, ගෙදර අම්මයි තත්තයි අපිව පරිස්සම් කරලා තමන්ගේ ඇස් දෙක වගේ අපිව බලාගෙන ඉස්කෝලෙට යැව්වම ඉස්කෝලෙ අපේ දෙමව්පියෝ වෙන්නෙ අපේ ගුරුවරු. රටක අනාගතයෙ ඇස් පාදන්න අපේ ගුරුවරු කොච්චර මහන්සි වෙනවා අත්ද...
එයාලා අපිට කොච්චර ආදරෙයිද...නිදිමරාගෙන ඊලඟ දවසේ උගන්නන්න ඕන ඒවා ලෑස්ති කරලා පාන්දර නැගිටලා ඉස්කෝලෙ එන්නෙ ළමයි ගැන කොච්චර බලාපොරොත්තු තියගෙනද...
පොතේ දැනුම විතරක් නෙවෙයි, මිනිහෙක් විදියට දෙපයින් නැගිටලා, පොළොවෙ පය ගහලා, අනිත් මිනිස්සුන්ට කරදරයක් නොවී, රටට වැඩදායී පුද්ගලයෙක් විදියට ජීවත් වෙන විදිය එයාලා අපිට කියලා දුන්නා. මුදලට සීමා කරන්න බැරි සේවයක් එයාලා අපිට සහ රටට කරන්නේ.

විභාගයක් ලඟ ලඟ එද්දී අපි විතරක් නෙවෙයි ගුරුවරුත් සෑහෙන මහන්සි වෙනවා.(මම හිතන්නේ අපිට වැඩිය මහන්සි වෙන්නෙ ඒගොල්ලො වෙන්න ඇති)

විභාගෙදී එයාලගේ හිත සතුටු වෙන්නේ අපි විභාගෙට හොඳට මූන දුන්නොත් විතරයි, එයාලා අපෙන් බලාපොරොත්තු වෙන්නෙත් එච්චරයි...අපිට එයාලා අපෙන් බලාපොරොත්තු වෙන ඒ පුංචි දේ අපිට කරන්න බැරි උනොත් එයාලා හිතින් කොච්චර දුක්වෙනවා ඇත්ද...

මගේ අම්මා ගුරුවරියක්, මම මගේ අම්මා මේ වගේ අවස්තාවල දුකින් ඉන්න විදිය මම දැකලා තියෙනවා. මට හිතුනේ මේ වගේ වෙන්න ඇති අනිත් ගුරුඅම්මලා, ගුරුතාත්තලා, ළමයි වැරදි කරාම එයාලා හරියට ඉගෙන ගත්තේ නැති උනාම අම්මලා තාත්තලා දුක්වෙන විදියටම අපේ ගුරුවරුත් දුක් වෙනවා ඇති.


මම මේ ළඟදි පත්තරේක කියෙව්වා මෙහෙම දෙයක්..
"වෛද්‍යවරයකුගේ අත් වැරදීම මිනී වළ තුළ නිධන් ගත වේ.

ඉංජිනේරුවෙකුගේ අත් වැරදීම ගඩොලක සටහන් වේ.

නීතීඥයකුගේ අත් වැරදීම පෝරකය දක්වා වේ.

නමුත්,
ගුරුවරයෙකුගේ අත් වැරදීම ජාතියක් තුළ සදාකල් නිධන් ගත වේ..."

ඒක කියෙව්වම ජාතියක් තනන මේ ගුරුවරුන් ගැන හිතේ ඇති වුණේ කවදාවත් කියලා ඉවර කරන්න බැරි තරම් සෙනෙහසක්..

මට හිතෙන විදිහට ගුරුවරයෙක් වෙන්නත් වාසනාව තියෙන්න ම ඕනෙ..අපි හැමෝට ම එක අම්මයි, එක තාත්තායි.ඒත් ගුරුවරුන්ට ගණන් කරලා ඉවර කරන්න බැරි තරම් දරුවො ගොඩාක් ඉන්නවා...
නොදැනුවත් ව, හිතන්නේ ම නැතුව අපි කොයි තරම් නම් අපේ ගුරුවරුන්ගෙ හිත් රිදවලා ඇත් ද..?
අපි ඉස්කෝලෙන් අයින් වෙලා සමාජයේ එක එක තැන් වලට ගිහින් අපේ සිහින වලට ළං වෙන්න හදනවා..ඒත් අපේ ගුරුවරු...කලින් වගේ ම තවත් දරුවන්ගේ සිහින් එළි කර ගන්න උදව් කරන්න තාමත් ඉස්සර වගේ ම ඉස්කෝලෙ යනවා...
ඉතින් ඒ ගුරු අම්මලා තාත්තලාට මේ උපහාරයක් ම වේවා..!!!

ද ටුවරිස්ට් ක්වුන්ටර් (the tourist counter)

සතියම office එකේ චාටර් වෙලා චාටර් වෙලා සති අන්තයේ මම යාලුවොත් එක්ක ගියා නුවර. ඉතින් හැමදාම වගෙ එදත් ගියා දළදා මාලිගාවට වැඳපුදා ගන්න, අපේ බුදුන් අපි වඳින්නෙ නැතුව වෙන කවුරු වඳින්න ද???

නමුත් දළදා හාමුදුරුවෝ වැඳපුදා ගන්න පිට රටවල් වලිනුත් සූ... ගාල සෙනග ඇවිත් හිටියා. නොදැනුවත්ව හරි මේ වගේ පුන්‍ය භූමියකට එන්න පිං කරලා තියෙන්න ඕනා කියලයි මම හිතන්නේ...

මට ඉතින් කොහේ ගියත් building වල ඇදයක් පේනවනෙ, මමත් ඉතින් යාලුවො එක්ක මේක මෙහෙම උනානම් හොඳයි කිය කිය හැමදාම වගේ උන්ගෙන් නෝන්ඩි වෙවී ආරක්ශක කුටි පසුකරමින් ගියා මාළිගාව ඇතුලට.

ඉතින් දළදා හාමුදුරුවන්ගේ පිහිටෙන් වැඳපුදාගෙන එනගමන් පරිස්සමට බලා ගන්න කියලා දීපු සෙරෙප්පු ටිකත් අරගෙන එද්දී මෙන්න බොලේ තවත් කවුන්ටර් දෙකක් තියෙනවා.

හැබැයි ඒවා අපිට නෙවෙයි ලු... ඒවා සුද්දන්ට...
ඒ කවුන්ටර් දෙක අපේ රටේ මිනිස්සුන්ට හදලා තියෙන කවුන්ටර් වලට වඩා පිලිවෙලට ලස්සනට හදලා...

මමත් ඉතින් ටිකක් ඕන කමින් එබිලා බැලුවා මොනවද මේ අලුත් ක්වුන්ටර් කියලා (මමත් ඉතින් සිංහල නේ....හැම රෙද්දකටම ඔලුව දාන එක ඉබේටම වගේ මටත් උනා). කොහොමත් සුද්දන්ට පරගැති ලංකාවේ සුද්දන්ගේ සෙරෙප්පු බලා ගන්න වෙනම කවුන්ටර් එකක් දාලා.

අම්මද බොල මුන්ට ගිය කල, එහෙම උනාට මදෑ දළදා හාමුදුරුවන් වැඩ සිටින මාළිගාව ඇතුලට යන්න මුන් ටිකට් ගන්නවා...

හෙන ගහපං ගණන් බලාපං!

මුන් ලංකාවෙද???
දළදා මාළිගාවට යද්දී සුද්දන්ට රෙදි අන්ඳනවා උන්ගේ ඇඳුම් කොට වැඩී කියලා, අපේ මහා කළු සිංහලයා දන්තධාතූන් වැඩ සිටින භූමියේ ඉඳන් මේ කරන්න වැඩේ කරන්නේ ඇඳගෙන ඉන්න රෙදි ගලවගෙනද මන්දා...

800 ක් ලූ

කජු ඇට ද, කොස් ඇට ද, නෑ........ රුපියල්...
රුපියල් 800 ගන්නවා දළදා මාළිගාව ඇතුලට යන්න.

මගේ යළුවෙක් ගේ යළුවෝ සෙට් එකක් පිලිපීනයේ ඉඳන් ඇවිත්, උන් ටික මාළිගාවට ටිකට් නැතුව ඇතුලට දාගන්න ලියුම් ගහලා හෙන ජිල්මාට් එකක් දාලා අවසර පත්‍රයක් හදාගෙන.(උන් අපිට අනිත් පැත්තෙන් හිනා වෙනව ඇති )

කොහොමද වැඩේ....
දළදා වඳින්න පින තිබුනත් දැන් ටිකට් ගන්න වෙන සිද්ධියක් තියෙන්නෙ සුද්දන්ට (කවුද දන්නෙ මේ යන විදියට තව ටික දවසක් ගියොත් අපිටත් ටිකට් එක ඇදෙයි ද කියලා...).

මමත් ඉතින් දළදා හාමුදුරුවන්වහන්සේටවත් මේවා පේන්නේ නැද්දෝ...........කියලා හිතින් හිතාගෙන ගෙදර ආවා.

ගොඩ සුද්දා

Architect කෙනෙක් වෙන්න තිබුණ උණ හින්දා අමාරුවෙන් අවුරුදු පහක් කැම්පස් එකේ කට්ට කාල කාල ඉවර කරන්න ගියහම මොනා කරන්න ද..? අන්තිම final end එකේදි දුන්නා නේ "Dissertation"කියලා එකක් ලියන්න.ඒ කියන්නේ මේ පර්යේෂන නිබන්ධනයක්..කවද කාපු ටකරන් ද..? ඉතින් මේක ලියන්නත් කැම්පස් එකේ ලෙචාලා ගාවට ගිහින් දොළ පිදේනි දෙන්න බැරි හින්දා මට ම එපා වෙන ගාණට චාටර් වෙලා වෙලා කොහොම හරි final submission එකට මාස තුනක් තියලා වැඩේ ගොඩ දා ගත්තා කියමුකො...
මාතෘකාව වුණේ කොඹළ නගරය..., නෑ නෑ වැරදුණා නේ. "කොළඹ නගරය"..

මම කොච්චර මැටි පහේ මෑන් වුණත් මේක හරියට ගොඩ දා ගන්න ඕනෙ නිසාම Kevin Lynch වගේ නගර ගැන කතා කරපු පට්ට පොරවල්...ඒ කිව්වේ උගත් වියත් අයගේ පොත් පත් කියවලා මමත් ගියා කොළඹ ගැන මෑන් කියපුවා සිරාවටම ඇත්ත ද කියලා බලන්න..මොනවා වුණත් මේ ඉතින් ලංකාවනේ...

මේ වැඩේට පින්තූර හොයා ගන්නත් තිබුණා.මම ඉතින් ෆොටෝ අල්ලන්න හැදුවට පොලෝසියෙන් ඒ  වැඩේ කර ගන්න දුන්නේ ම නෑ..ඇද්දෙ ම බාල්දි........අපි සැලෙයි ද..?
සෙල්ලම් ද කොල්ලෝ කියාගෙන මාත් වැඩේ අත් ඇරියේ නෑ...ලිව්ව ගෙදර ඇවිත් ඇඬෙන්න ලියුමක්..ආරක්ෂක අමාත්‍යාංශයට..
නිකම් මනුස්සයෙකුට නෙමෙයි...කෙලින් ම ගෝඨා අන්කල්ට..මේ වෙලාවෙ ගෝඨා මාමාවත් ආදරෙන් මතක් කරන්න ම ඕනෙ.මට දීපු සපෝට් එකට.. මට ම ලැබෙන චාන්ස් තමයි ඉතින්..එක දවසෙන් පින්තූර ගන්න අවසර දීලා ලියුමකුත් අතට දීලා කොළඹ නගරයේ පොලෝසියට, නාවික හමුදාවට, එතකොට යුද හමුදාවට ඒවයේ පිටපත් යවලා තිබුණා...මාමේ ඒ උදව්වට නම් පිනේ පින්..

ලෑටියා......
මේ ගමනෙදි මගේ ගමන් සගයා..ඒ කිව්වේ සහයට ඩැනී..ලෑටියාගේ ඇත්ත නම චතුර පතිරණ..අපේ batch එකේ මම තරම් නැති වුණත් මම වගේ ම අහිංසක කොල්ලෙක්.. ලෑටියාගෙ නම ලැබුණු විදිහට නිධාන කතා ගොඩාක් තියෙනවා. ඒක වෙන ම කතාවක්...හ්ම්ම්ම්...පුලුවන් වෙච්ච ගමන් ඒ කතාවත් ලියලා දාන්න ඕනෙ..

වැඩේ කොහොම වුණත් ප්ලෑන ගහන්න නම් ලෑටියා කියාපු මිනිහා..ඒ හින්දා පළවෙනි දවසෙ මම කාපු කට්ටත් ඌට කියලා අපි දෙන්නා දෙවෙනි දවස අම්බානක ප්ලෑන් කරන්න පටන් ගත්තා.

ඔන්න ඉතින් එද තමයි දවස.....
බන්ඩා කොළඹ බලන්න යන්න ඇත්තෙත් මෙහෙම තමයි කියල හිතන ගමන් අපි ලෑස්ති වුණේ. සුද්දට අම්බානක සලකන රටනේ අපි..අපිත්  ඉතින් ඒ වගේ වෙන්නැයි කියලා හිතාගෙන..(අරූ නම් හිතාගෙන..මම ඉතින් කොහොමත් සුද්දා වගේ එකානේ...)ඩෙනිම් ඇඳගෙන පං තොප්පි දාලා රෙදි බෑග් අරගෙන sun glass දාලා cameraත් අටෝගෙන ගියා කොඹළ..

අම්මෝ තියෙන සැලකිලි..යන යන එකා පුදු ම ආදරයක් පෙන්නන්නේ.."සර් ...money exchange..." මාරු කරලා දෙන්නම යි අහන්නේ..හප්පා...!!! අපට තිබුණු සැප..
ඒ විතරක් නම් මදැයි.., හොඳම සිද්ධිය වුණේ කලින් දවසේ පොලිස් මෑන් අපිට පාට් දාපු , අපිට ෆොටෝ ගන්න එපා කියපු තැන්වල  ඊළඟ දවසේ පොලිසියෙ අන්කල් ඉන්න තැන ම අපි ෆොටෝ ගත්තා....NO problem Sri Lanka ..කියලා අපිත් බඩ පිරෙන්න ෆොටොස් ගත්තා..

මේ ගමනේ තිබුණු ආතල් ම, අමතක නොවෙන සිද්ධිය තමයි..colombo sight seen පෙන්නන්න ත්‍රීවිල් බුවාලා අපිට කතා කරපු හැටි සහ ඒ ගැන උන්ට තිබුණ පට්ට උනන්දුව සහ කැපවීම..

කොහොමෙන් කොහොම හරි අන්තිමට අපිට ඕනෙ ෆොටෝස් ටික අරගෙන අපි ආවා පරණ පාර්ලිමේන්තුව ගාවට..පුදන කොට ම කාපි යකා කියලා, මෙන්න ගහලා තියෙනවා දඩ සයිස් බෝඩ් එකක්.."ඡායාරූප ගැනීම තහනම්.." සිංහලෙන් ගහලා තියෙනකොට තේරෙන්නෙ නැති හින්ද ද මන්දා, සුද්දෝ දිගට හරහට ෆොටෝ ගන්නවා...අපිත් අපිට ඕනෙ ඕනෙ විදිහට ෆොටෝ ගත්තා පොලිස් කාරයො බලා ඉන්න කොට ම..හිකිස්..;) ඒ කියන්නේ අපි පට්ට සුද්දො look එක තියාගෙන ඉඳලා තියෙනවා..

මෙතන දි ආපු ත්‍රීවිල් අයියෙක් තමයි අපිට දවසේ ආතල් එක දුන්නේ..මතක් වෙද්දි තාමත් ඉළ ඇට කැඩෙන්න හිනා යනවා..බිබී හිනා වෙන්න පුලුවන් තව අවුරුදු ගාණක් යනකල් ම..
අපි දිහා හොඳට බලාගෙන ඉඳලා ආපු ත්‍රීවිල් අයියණ්ඩි ගින්නක් නැතුව එක පාරට මෙන්න කියන්න ගත්තා..."කම් කම් සර්....its colombo downtown, sight seeing, good massage places, stuff to make smoke, and elephants also in ගන්ගාරාමtemple with big buddha statue..my tuk tuk colombo town one hour ...five hundred bucks..."

huh...!!! උගේ ඉංගිරිසි..දෙන්නම් ජම්බෝ කියලා අපිත් නිකන් හිටියේ නෑ.."ආ ඇත්ත ද මචං ..?" කියලා ඇඟට පතට නොදැනී අපි දෙන්න එතනින් එන්න ආවා..ටික දුරක් ඇවිත් හැරිලා බලද්දි..අනේ පව්..මෙඩූසා ගේ ඇස් දෙක දැකලා ගල් වෙච්ච එකෙක් වගේ ත්‍රීවිල් මචං කටත් ඇරන් අපි දිහා ඇස් දෙකත් ලොකු කරන් බලාගෙන හිටියා..

පනහට නා ගැනීම...

අද ටිකක් වැඩ වැඩි දවසක්..මාර කට්ටක් වුණත් සිකුරාදා නේ කියලා හිත හිතා ඔෆිස් එකේ හවස් වෙනකන් වැඩ ඔක්කොම ඉවර කරන්න තමයි හිතුවෙ කොහොම හරි.. පාරෙ බස් එකට විතරක් සල්ලි දීලා මදි හින්දා මම දැන් තව සල්ලි දීලා ගෙදර ඉඳලා යන්නෙ එන්නෙ ස්ටාෆ් බස් එකකනෙ. හැමදා ම වගේ ඉතින් ඒකටත් කෝල් එකක් දීල මට හවස එන්න වෙන්නෙ නෑ කියල මගේ මේ සතියට තිබුනු වැඩ ටික කන් දෙක සාක්කුවට වැටෙන තරම් මහන්සියකින් ඉවර කරා. මහන්සියේ ප්‍රතිඵල.. මගේ ඔක්කොම වැඩ ටික ඉවර වෙනකොට කවදාවත් මට ගේ පේන වෙලාවකට ගෙදර යන්න වෙන්නේ නෑ..මොනවා කරන්නද..?
දුක තමයි රන්ජනී කියාගෙන හවස් වෙච්චි නිසා පිටකොටුවට ගිහින් 120 බස් එකක අමාරුවෙන් හරි ගෙදර යනවා කියල හිතාගෙන කොටුවට ආවා. දැන් ඉතින් පලයංකො හොරණ බස් එකේ..අයියනායක දෙයියො සිහි කරලා කැලේ යනවා වගේ මාත් දෙයියො බුදුන් සිහි කරගෙන පිට කොටුවෙ 120 බස් නවත්තන තැනට හෙමින් සැරේ ඇදුණා...
හ්ම්ම්ම්ම්....මෙන්න බොලේ ලෝචනා ඉන්නවා බස් එකක් එනකන් බලාගෙන.
හෝව් හෝව්...හරි.ඉස්සෙල්ලා කියලා ඉන්නම්කො ලෝචනා කියන්නෙ කවුද කියලා... එයාගෙ සම්පූර්න නම ලෝචනා මිහිරානි මහවත්ත, තවත් මහවත්ත කෙනෙක්...
මම පොඩිකාලෙ ඉඳලා දන්න (ඒ කියන්නේ අවුරුදු විස්සක් විසි  දෙකක් විතර ඉඳන් )ඉස්කෝලෙ පහ වසර වෙනකන් හිටිය වාසගම නිසා දුරින් හරි නෑදෑයෙක් වෙනව කියල දන්න මගේ යාළුවෙක්....එක ම අවුලකට තියෙන්නේ ලෝචනාට කතා කරන්නම බෑ..ඒ බැරිකම කොච්චරද කියනවා නම් ගොලුවෙක් එයා ළඟ හිටියා නම් විනාඩි පහෙන් ගොලුවත් යස අගේට කතා කරනවා...
කොයි තරම් දන්න යාලුවෙක් වුණත්  මෙච්චර කාලයකට අපි දෙන්නා කතා කරලා තියෙන වචන ගාන අතේ ඇඟිලි ගානටත් අඩුයි, ඒත් ඉතින් දැන් මෙයත් එක්ක හොරණ යන්නත් එපායැ, පැය දෙකක ගමනක් අතේ ඇඟිලි ගාන කෙසේ වෙතත් ඉහේ කෙස් ගනට අද කතා කර කර යන්න පුලුවන්. දෙවියන්ගේ ම පිහිටයි කියලා හොඳට ම හිතුණා මට..
හපොයි දෙයියනේ..."පාරුවෙ පුවක්" කියල හිත හිතා මම නැග්ගා බස් එකට ලෝචනාත් එක්ක ම.. කන පැළෙන්න ලස්සනයි කියලා හිතාගෙන මෙලෝ රහක් නැති සිංදු දාගෙන ඔය බස් ඔතන නවත්තලා තියෙන කල් පුදුමාකාර දේවල් බලා ගන්න පුලුවන්..තියෙන මොනවා හරි දෙයක් විකුණ ගන්න ලෝකෙ ම පණ්ඩිතකම් දෙසා බාන මිනිස්සු, රත්තරන් වගේ පේන "හොරු කඩන්නේ නැති නෝනලාට බය වෙන්න ඕනෙ නැති" චේන් විකුණන අය, එතකොට අසරණ කම කියලා ඊට වඩා අසරණ අපෙන් හිඟා කන අය ඔය වෙලාවට තමයි බස් එකට ගොඩ වෙන්නේ. ඉස්සල්ලම ආවා පොත් විකුනන මනුස්සයෙක්. ඒ මනුස්සයා ගෙනාවේ සැළළිහිණිය, සුභාශිතය, සිරිත් මල්දම සහ ලෝ වැඩ සඟරාව. කඩේ පොත් හතරම රුපියල් දෙසීයයි මෙයා සීයක්ම අඩුකරල රුපියල් සීයට පොත් හතරම දෙනවලු.නිකන් දෙනවා නම් දෙමළ පත්තරේ වුණත් මොකද කියලා හිතිලද දන්නේ නෑ ලෝචනා ගත්තා පොත් හතර.(අනෙ අම්මෝඅ..මට කියන්න අමතක උනා නේ, ලෝචනා දැන් ටීචර් කෙනෙක් නේ..ටීටර් නෙමෙයි..ටීචර්.. ). මේ මනුස්සයා ගාව තව වාස්තු විද්‍යාවට සම්බන්ධ පොතකුත් තිබුනා, මමත් කාලයක් තිස්සෙ හොය හොයා හිටපු පොතක්.අනික ඒක රුපියල් පනහයි. ඒ නිසා මමත් ඒ පොත ගත්තා.
පොත් ටිකත් අරගෙන ඔන්න ඉතින් අපි ඒවා කියව කියවා ඉන්නකොට තවත් මනුස්සයෙක් නැගපි බස් එකට, මේ මනුස්සයා ගෙනල්ලා තිබුනෙ වාස්තු විද්‍යා පොතක් විතර ම යි. ඒකත් පනහයි, හැබැයි ඒකේ මම කලින් ගත්ත පොතට වඩා විස්තර තිබුනා. මේ මනුස්සය කියාපි ඒ පොත ගන්නෙ හොදට මොලේ තියෙන ඉගෙන ගෙන තියෙන ඒකේ වටිනා කමක් දන්න එක්කෙනෙක්ලු. ඉතින් ඔහොම වල් පල් කියව කියවා අපි දෙන්න හිටපු තැනට මේ මනුස්සයා ආවා. මම රුපියල් පනහක් දීල පොතක් ගත්තා.මාත් ඉතින් වැඩිය මෝඩ නැහැනේ..කවුරුහරි මුරුංගා අත්තේ තිබ්බොත් බෑ කිය කිය එල්ලෙනවානේ...

ඊට පස්සේ තමයි නාඩගමේ හොඳ ම හරිය..ඉල්ලගෙන මාමයිට් ගා ගත්ත ජීවිතෙ අමතක ම නොවෙන ටික වුණේ ඒ වෙලාවේ..
අර මනුස්සයා අපි ළඟට ඇවිත් රුපියල් පනහ ගත්තා. "මේ බලන්න මේ රත්තරන් මහත්තයා දන්නවා මේවායේ වටිනාකම.ඉගෙන ගත්ත මොළේ ඇති මහත්තයෙක්. අනාගතේ වරදින්නේ නෑ.දෙන්නා එක්ක තුන් වේල ම සම්බෝලයි බතුයි කාලා හරි හිනා වෙලා ගෙවන ජීවිතයක් ලැබෙනවා මේ පොත් බලලා වැඩ කරන හින්දා..දෙන්නා එක්ක කරන කියන දේවල් සාර්ථක වෙලාඉස්සරහ ජීවිතෙ සතුටින් ගෙවයි.."
ඊඊඊක්ක්ක්....යකෝ පොත දීලා පලයන්කෝ..සමයන් කියවන්නේ නැතුව.
විලි ලැජ්ජාවයි සම්බුද්ධ ජයන්තියයි වගේ වැඩක් මටත් වුණේ.ඒ අස්සේ හිකි බිකිස් ගගා ලෝචනාත් හිනා වෙනවා.. "මම නම් තුන් වේල ම සම්බෝලයි බතුයි කන්නෙ නෑ" කියලා ඇඟට පතට නොදැනී මට හිනා වෙවී කිව්වෙත් මට ඇඬෙන්න මයි..

"හපොයි දෙයියනේ..වාස්තු විද්‍යා පොතක් ගන්න ගිහින් මට වෙච්ච දෙයක්.." මොනවා වුණත් ලැජ්ජා බයට හැදිච්ච් එකානෙ..කිසි ම සද්දයක් නැතුව මම හොරණට එන කල් ම නිදා ගත්තා..